அமைதியாக செல்லும் சனி திசை

                 அமைதியாக செல்லும் சனி திசை

                      ஒருவர் ஜாதகத்தில் சனி திசை ஆறாம் அல்லது எட்டாம் அதிபதியாக இருந்து திசை நடக்கும் காலத்தில் ஏழரை சனியும் நடைபெற்றால் வாழ்க்கையில் கூடுதலான இடையூர்கள் போராட்டம் அமைதியின்னம ஏற்படும் அவற்றை வெல்வதற்கு   திருநாவுக்கரசர்  அவர்கள் பாடிய பதிகத்தை மாதம் ஒரு திங்கள்கிழமை அன்று உதய காலத்தில் திருவிளக்கேற்றி அதன் முன் அமர்ந்து இறை நம்பிகையுடன் பாடினால் கடினமானகாலம் அமைதியாக கடரும்.

            திரு நாவுக்கரசர் பாடல்கள்

சொற்றுணை வேதியன் சோதி வானவன் 

பொற்றுணைத்  திருந்தடி பொருந்தக் கைதொழக்

கற்றுணைப் பூட்டியோர் கடலிற் பாய்ச்சினும் 

நற்றுணை யாவது நமச்சி வாயவே.                            -1

பூவினுக் கருங்கலம் பொங்கு தாமரை 

ஆவினுக் கருங்கலம் அரன்அஞ் சாடுதல்

கோவினுக் கருங்கலம் கோட்ட மில்லது 

நாவினுக் கருங்கலம் நமச்சி வாயவே.                      -2

விண்ணுற அடுக்கிய விறகின் வெவ்வழல் 

உண்ணிய புகிலவை யொன்று மில்லையாம் 

பண்ணிய வுலகினிற் பயின்ற பாவத்தை

 நண்ணிநின் றறுப்பது நமச்சி வாயவே.                  -3

இடுக்கண்பட் டிருக்கினும் இரந்தி யாரையும் 

விடுக்கிற் பிரானென்று வினவுவோ மல்லோம் 

அடுக்கற்கீழ்க் கிடக்கினு மருளின் நாமுற்ற 

நடுக்கத்தைக் கெடுப்பது நமச்சி வாயவே.                 -4

வெந்தநீ றருங்கலம் விரதி கட்கெலாம் 

அந்தணர்க் கருங்கலம் அருமறை யாறங்கம் 

திங்களுக் கருங்கலம் திகழு நீண்முடி 

நங்களுக் கருங்கலம் நமச்சி வாயவே.                        -5

சலமிலன் சங்கரன் சார்ந்த வர்க்கலால் 

நலமிலன் நாடொறும் நல்கு வானலன் 

குலமில ராகிலுங் குலத்திற் கேற்பதோர் 

நலமிகக் கொடுப்பது நமச்சி வாயவே.                    -6

வீடினார் உலகினில் விழுமிய தொண்டர்கள் 

கூடினார் அந்நெறி கூடிச் சென்றலும் 

ஓடினே னோடிச்சென் றுருவங் காண்டலும் 

நாடினேன் நாடிற்று நமச்சி வாயவே.                      -7

இல்லக விளக்கது இருள்கெ டுப்பது 

சொல்லக விளக்கது சோதி யுள்ளது 

பல்லக விளக்கது பலருங் காண்பது 

நல்லக விளக்கது நமச்சி வாயவே.                           -8

முன்னெறி யாகிய முதல்வன் முக்கணன் 

தன்னெறி யேசர ணாதல் திண்ணமே 

அந்நெறி யேசென்றங் கடைந்த வர்க்கெலாம்

நன்னெறி யாவது நமச்சி வாயவே.                         -9

மாப்பிணை தழுவிய மாதொர் பாகத்தன் 

பூப்பிணை திருந்தடி பொருந்தக் கைதொழ 

நாப்பிணை தழுவிய நமச்சி வாயப்பத்(து) 

ஏத்தவல் லார்தமக்கு இடுக்கண் இல்லையே.      -10