கேது திசையில் விநாயகர் அகவல்

       

   கேது திசையில்  விநாயகர்  அகவல்

கேது திசை நடப்பில் உள்ளபோது ஞானமும் அறிவு தெளிவு அனுபவத்தை ஏற்படுத்தும் கேது பாதமான இடத்தில் இருந்தால் சில இடையூர் களை ஏற்படுத்தும் இதற்கு திங்கள்கிழமை அன்று அருகில்லுள்ள விநாயகர் கோவிலுக்கு சென்று தீபம் ஏற்றி வழிபடுவது நன்மை பயக்கும் கடல் போன்ற அறிவின் செல்வி ஔயாரின் விநாயகர் அகவலை படித்து வந்தால் கேது  திசையில் நன்மை உண்டாகும்.

                       "விநாயகர் அகவல்"

சீதக் களபச் செந்தா மரைப்பூம் 

பாதச் சிலம்பு பலஇசை பாடப் 

பொன் அரை ஞாணும் பூந்துகில் ஆடையும் 

வன்ன மருங்கில் வளர்ந்து அழகு ஏறிப்பப் 

பேழை வயிறும் பெரும்பாரக் கோடும்   -1

வேழ முகமும் விளங்குசிந் தூரமும் 

அஞ்சு கரமும் அங்குச பாசமும் 

நெஞ்சில் குடிகொண்ட நீல மேனியும் 

நான்ற வாயும் நாலிரு புயமும் 

மூன்று கண்ணும் மும்மதச் சுவடும் -2

இரண்டு செவியும் இலங்குபொன் முடியும் 

திரண்டமுப் புரிநூல் திகழொளி மார்பும் 

சொல்பதம் கடந்த துரியமெய்ஞ் ஞான 

அற்புதம் நின்ற கற்பகக் களிறே! 

முப்பழம் நுகரும் மூடிக வாகன ! -3

இப்பொழுது என்னை ஆட்கொள வேண்டித் 

தாயாய் எனக்குத் தான்எழுந் தருளி 

மாயாப் பிறவி மயக்கம் அறுத்துத் 

திருந்திய முதல்ஐந் தெழுத்தும் தெளிவாய்ப் 

பொருந்தவே வந்துஎன் உளந்தனில் புகுந்து -4

குருவடி வாகிக் குவலயந் தன்னில் 

திருவடி வைத்துத் திறம்இது பொருளென

வாடா வகைதான் மகிழ்ந்தெனக் கருளிக் 

கோடா யுதத்தால் கொடுவினை களைந்தே 

உவட்டா உபதேசம் புகட்டிஎன் செவியில் -5

தெவிட்டாத ஞானத் தெளிவையும் காட்டி 

ஐம்புலன் றன்னை அடக்கும் உபாயம் 

இன்புறு கருணையின் இனிதெனக் கருளிக் 

கருவிகள் ஒடுங்கும் கருத்தினை அறிவித்(து) 

இருவினை தன்னை அறுத்துஇருள் கடிந்து  -6

தலம்ஒரு நான்கும் தந்துஎனக் கருளி 

மலம்ஒரு மூன்றின் மயக்கம் அறுத்தே 

ஒன்பது வாயில் ஒருமந் திரத்தால் 

ஐம்புலக் கதவை அடைப்பதும் காட்டி 

ஆறா தாரத் தங்குச நிலையும் -7

பேறா நிறுத்திப் பேச்சுரை அறுத்தே 

இடைபிங் கலையின் எழுத்தறி வித்துக் 

கடையிற் சுழுமுனைக் கபாலமும் காட்டி 

மூன்றுமண் டலத்தின் முட்டிய தூணின் 

நான்றெழு பாம்பின் நாவில் உணர்த்திக் -8

குண்டலி அதனில் கூடிய அசபை 

விண்டெழு மந்திரம் வெளிப்பட உரைத்து 

மூலா தாரத்தின் மூண்டெழு கனலைக் 

காலால் எழுப்பும் கருத்துஅறி வித்தே 

அமுத நிலையும் ஆதித்தன் இயக்கமும் -9

குமுத சகாயன் குணத்தையும் கூறி 

இடைச்சக் கரத்தின் ஈரெட்டு நிலையும் 

உடற் சக்கரத்தின் உறுப்பையுங் காட்டிச் 

சண்முக தூலமும் சதுர்முக சூக்கமும் 

எண்முக மாக இனிதெனக் கருளிப்  -10

புரியட்ட காயம் புலப்பட எனக்குத்

தெரியெட்டு நிலையும் தெரிசனப் படுத்திக் 

கருத்தினில் கபால வாயில் காட்டி 

இருத்தி முத்தி இனிதுஎனக்கு அருளி 

என்னை அறிவித்து எனக்கருள் செய்து -11

முன்னை வினையின் முதலைக் களைந்து 

வாக்கும் மனமும் இல்லா மனோலயம் 

தேக்கியே என்றன் சிந்தை தெளிவித்து 

இருள்வெளி இரண்டிற்கு ஒன்றிட மென்ன 

அருள்தரும் ஆனந்தத்து அழுத்திஎன் செவியில் -12

எல்லை யில்லா ஆனந்தம் அளித்து 

அல்லல் களைந்தே அருள்வழி காட்டிச் 

சத்தத்தி னுள்ளே சதாசிவம் காட்டிச்

சித்தத்தி னுள்ளே சிவலிங்கம் காட்டி  

அணுவிற்கு அணுவாய் அப்பாலுக்கு அப்பாலாய்க்  -13

கணுமுற்றி நின்ற கரும்புள்ளே காட்டி 

வேடமும் நீறும் விளங்க நிறுத்திக் 

கூடும்மெய்த் தொண்டர் குழாத்துடன் கூட்டி 

அஞ்சக் கரத்தின் அரும்பொருள் தன்னை 

நெஞ்சக் கருத்தின் நிலைஅறி வித்துத் 

தத்துவ நிலையைத் தந்துஎனை யாண்ட 

வித்தக விநாயக! விரைகழல் சரணே. -14